Visite du pape François : Ajaccio change de visage
Photo : Cità d'Aiacciu
Da quì à trè ghjorna, u Papa Francescu hà da essa in Aiacciu pà una visita accizziunali.
In a Cità Impiriali s’appronta, senza piddà pichju micca, iss’evenimentu.
À u Casonu, sò stati stallati i strutturi da riceva u Papa è a so diligazioni, a facciata di u Domu, a catidrali Santa Maria Assunta, hè stata rinuvata, ma sò supr’à tuttu i carrughji maiori di a Cità chì sò altri in tuttu : parini ancu più larghi è calmi, cù a intirdizzioni di u staziunamentu.
A municipalità, d’altrondi, hà tinutu à signalà chì l’aiaccini si sò impignati à rispittà issu dispusitivu accizziunali missu in anda pà a visita di u Papa Francescu.
« Ci voli à salutà li », dici a Cità d’Aiacciu in una cumunicazioni sparta via i reti suciali, chì ramenta quantunca chì i mudalità di u staziunamentu valini ancu pà i veiculi à dui roti.
Sur le même sujet
