Visite de Jacqueline Gourault : Gilles Simeoni et Jean-Guy Talamoni absents du programme en raison d'un refus de leur part selon la ministre
(A ridazzioni d'Alta Frequenza) - Jacqueline Gourault, a ministra lla cuisioni lli tarritoria, hè dinò in visita in Corsica, da arimani.
A so nova avvinta isulana l’hà iniziata in Bastia, cù un appuntamentu cù i sirvizii prifitturali, po’ una spassighjata cù u merri Pierre Savelli, par parlà di i prughjetti urbani. Mentri issa spassighjata, si sò scantati u merri è a ministra, da parlà si un pocu à u scartu. Soca chì issa discursata ùn si hè cunfinata à i soli pinsera llu rinovu lla cità, chì à issu sughjettu d’altrondi, a ministra si hè aghjà ingagiata à finanzà un’uparazioni, da livà u tigliu da l’anzianu culleghju di Montesoru. Infini, innanzi di lintà un ochji à u dispusitivu lli foca di furesta, a ministra hà parlatu à a stampa, è hè stata chjara : s’idd’ùn si hè vistu nè a Gilles Simeoni, u Prisidenti di l’Esecutivu, nè à Jean-Guy Talamoni, u Prisidenti di l’Assemblea, mentri issa visita, hè ch’iddi sò iddi ch’ùn ani vulsutu scuntrà à quidda chì hè sempri, ad oghji, a « Madama Corsica » llu guvernu.
Stemu à senta à Jacqueline Gourault
Sur le même sujet
