Visite de François Hollande en Corse
(A redazzioni d'Alta Frequenza) - François Hollande hè dunqua pà dui ghjorni in Corsica. Era in Aiacciu oghji (sabbatu). À u prugramma, visita republicana à l'assemblea di Corsica, passaghju à u marcatu è riunioni publica nant'à a piazza Foch. U candidatu PS à l'alizzioni prisidinziali, hè ghjuntu à dì i so spiranzi è u so prugramma pà a Corsica. Micca una nova riforma istituziunali ind'i valisgi di François Hollande, ma una pusizioni forti pà ciò chì tocca à una futura riforma fiscali. U candidatu hà vulsutu dà dinò u so parè nant'à u cartulari di a securità è di a precarità. Hè in prisenza di u diputatu merri d'Aiacciu, ma dinò di parechji eletti di a maghjurità di l'assemblea di Corsica, chì iss'ultimu s'hè spressu duranti un meeting chì hà adunitu appena di più cà 500 parsoni. Vultaremi nant'à l'essenziali di i pruposti di u candidatu Hollande à partasi da luni cù una scurtichera di i so detti. Vi prupunaremi dinò parechji riazzioni ind'i nostri edizioni diversi. L'eletti prisenti ci darani u so parè nant'à issa visita. Dumani, François Hollande andarà in Bastia. À u prugramma, sdighjunu di travaghju è spiazzamentu nant'à a piazza San Niculà.
