Visite d'Emmanuel Macron en Corse : la CGT appelle à manifester mercredi à Bastia malgré une interdiction
(A redazzioni d'Alta Frequenza) - Ssu luni, a CGT hà urganizatu una cunfarenza di stampa in Bastia à a vigilia di a ghjunta in Corsica di u presidenti di a Republica, Emmanuel Macron. Un'uccasioni nova pà ramintà chì d'appressu à a CGT, u prublema u più urghjenti in Corsica ùn hè micca u cartulari istituziunali, ma bè quillu di u suciali. Una dilegazioni di a CGT sarà ricivuta da u cunsighjeru suciali di u presidenti di a Republica, mentri chì, di manera paradussali, a CGT, sicondu ella, hà avutu una chjama di a prifittura fenduli sapè un'interdizzioni di manifistà ssu marcuri in Bastia. Malgradu tuttu, a CGT manteni a so mubilisazioni privista à 11 ori davanti à a prifittura ssu marcuri.
Steti à senta à Jean Pierre Battestini pà a CGT di Corsica Suprana.
Sur le même sujet
