Violents orages, mais peu de dégâts en Corse-du-Sud
(A redazzioni d'Alta Frequenza) - L'Aiaccini si n'arricurdarani. Ci hè statu un grossu timpurali arisera (ghjovi) versu 10 ori. Buffulati di ventu, acqua, ma dinò è soprattuttu a saetta chì hè falata di manera impressiunanti. U celu s'hè accesu à u minimu una volta tutti i dui sicondi duranti guasgi dui ori, à tal puntu chì versu mezanotti, omu cridia guasgi ch'ellu fessi ghjornu. U cuncertu d'I Muvrini, chì era urganizatu arisera à u Casone, sempri in Aiacciu, hè statu annulatu è rimandatu à stasera. Ind'u meziornu, u numaru d'impatti par via di a saetta hè impressiunanti dinò. Dui poli elettrichi sò stati tocchi da a saetta è si sò infiarati, par asempiu à l'imbrancamentu di Monaccia d'Auddè è vicinu à Purtivechju. Sò par avà i soli disguasti liati à ssu timpurtali viulenti.
Sur le même sujet
