Vingt-quatre bateaux détruits par un incendie dans le port à sec de Ventiseri
(A redazzioni d'Alta Frequenza) - C’hè statu un focu assai maiò stanotti in Vintisari. Hà distruttu 24 battelli chì erani in u portu à seccu. Par avà, a so urighjini hè scunnisciuta. In fatti, i fiari sariani crisciuti dopu avè toccu dui o trè battelli trà 6 è 8 metri. A chjama hè stata lampata versu trè ori è quartu. Spinghjifochi di Corsica Suprana è d’A Sulinzara sò stati mubilizati. Un spinghjifocu hè statu feritu lighjeru è curatu sopralocu. U focu hè oramai cuntrullatu, ma fermani sopralocu più di quaranta omi pà cunfinà a so sparghjera. Hà minacciatu duranti un certu tempu casi vicini, ma l’intarvinzioni di i succorsi hà parmissu d’ammaistrà a situazioni.
Sur le même sujet
