Vigilance orange vent fort en Corse-du-Sud
(A redazzioni d'Alta Frequenza) - A Corsica Suttana hè in vigilenza aranciu "ventu forti", facini sapè i servizi di Météo France, da dumani (marcuri) à 6 ori di mani. U ventu di meziornu si rinforza propiu oghji in fin di ghjurnata. Passa in u settori punenti pà a mità di a nuttata è diventa assai forti in fin di nuttata, soprattuttu pà i settori sposti di regula (muntagna, Bunifaziu/Purtivechju). Ssu ventu assai forti à punenti si manteni fin'è a fini di u dopu meziornu di dumani marcuri pà cullà trà 9 ori è 3 ori fin'è 180 chilometri par ora in buffulati in muntagna è 150 chilometri par ora à u meziornu livanti (linea Bunifaziu - Conca). S'aspetta trà 120 è 140 chilometri à l'ora pà i valli urientali è cintrali. U rughjonu aiaccinu pudarà essa toccu da buffulati à 100 chilometri à l'ora. A forza di u ventu hà da sminuiscia di manera prugressiva dumani à sera. Ssi venti ani da inghjinnà marosuli forti à u meziornu punenti trà 3 è 4 metri è mezu nant'à u liturali uccidintali di l'isula à partasi da stasera. Ssi marosuli forti pà a costa pudaria inghjinnà summersioni lucalizati nant'à i parti bassi o assai sposti di u liturali. I golfi è parti sposti sò propiu cuncirnati, soprattuttu i golfi d'Aiacciu è di Prupià". A prudenza a più maiò hè racumandata.
Sur le même sujet
