Vigilance Orange pour le risque Orages en Corse
A Corsica hè in vighjulanza arancina pà i caldamona, à u minimu sinu à sabbatu à quattr’ori llu dopu meziornu. L’isula hè ancu in vighjulanza arancina parvia di u risicu di scurruttoni, sinu à dumani à deci ori à u minimu.
Nascini in mari, trà Corsica è cuntinenti, i scurruttoni chì ani da tuccà u bor’di mari à Punenti è u Capicorsu trà vennari è sabbatu.
Issi scurruttoni, colpu à colpu viulenti, viaghjani cù una forti attività elettrica. I piuviti pudariani tuccà da 40 à 80 mm in un’ora. Ci pudaria ancu essa a grandina, è i buffulati di ventu pudariani tuccà i 80 o 100 chilomitra à l’ora. U ventu, à locu à locu, pudaria buffulà à trombi, è si pudariani ancu veda trombi marini.
I scurruttoni, chì viaghjani versu u Meziornu à Liventi, s’ani da avvià pianu pianu versu l’internu, masimu à Punenti, ma a so attività pudaria calà. U spaziu trà Bastia, Corti è A Sulinzara pudaria essa menu toccu da issi timpurali.
