Vigilance orange pluie inondations et orages à compter de 03H00 du matin
(A ridazzioni d'Alta Frequenza) - Vighjulanza arancia pà « scurruttoni, acquati è pieni » par luni, à 3 ori di mani à 8 ori di sera. Annuncia Meteo france chì i trustati, ghjunti da u meziornu à punenti lla francia, ani da tuccà a Corsica è l’Alpi Marittimi. Da duminica à luni, in a siconda parti lla notti, s’ani da fà, puntu à puntu, forti è ancu timpuraleschi. Ci pudaria ancu essa a grandina è forti buffulati di ventu, cù acqua in quantità, chì in pocu tempu pudaria cuddà da 70 à 100mm. Pà a ghjurnata di luni, i trustati, colpu à colpu, pudariani fà cumulazioni d’acqua da 100 à 150mm, è ancu 180 pà issi pindalicci miridiunali lli muntagni alpini è corsi. U ventu in lu Tarraniu movi marosuli in Corsica suttana è in l’alpi Marittimi, alzendu u liveddu llu mari. A sbatticciulera lli marosuli è u liveddu altu llu mari pudariani adundà i parti bassi llu litturali in Pumonti (principalmenti in u golfu d’Aiacciu) è in l’Alpi Marittimi, chì sò missi in « vighjulanza giadda » pà issu risicu chivi.
Sur le même sujet
