Vigilance orange en Corse-du-Sud : le point sur la situation
(A redazzioni d'Alta Frequenza) - A Prifettura di Corsica hà fattu un novu puntu nant'à a situazioni in Corsica Suttana, dopu a missa in vigilenza aranciu, pà u risicu d'acquati è di timpurali. Di fattu, un PC interservizii hè statu missu in ballu ind'u centru d'intarvinzioni è di succorsu di Purtivechju (raprisintanti merria/SDIS/COG/FORSAP). S'ampara dinò chì una perdita di a reta GSM Orange hè stata signalata ind'a cità di u Sali è chì i trasporti sculari sò stati suspesi ind'u paisolu di Borivoli. Una parsona anziana, trova in difficultà da u cantu di u ghjiratoghju des 4 chemins in Purtivechju, hè stata missa in securità. Certi stradi sò sempri pruibiti à a circulazioni : a strada dipartimintali 59 (paisolu di Mela, settori di Sotta) è a strada dipartimintali 659 di Purtivechju (ponti di l'Arca). Infini i spinghjifochi è i gendarmi mantenini a survighjenza di i trè settori è di i fiumi.
Sur le même sujet
