Vigilance orange accrue
(A redazzioni d'Alta Frequenza) - A prudenza arancia cuntinueghja in Corsica. L'acquati forti sò sempri prisenti nant'à u latu urientali è ani da cuntinuà fin'è a fini di a notti purtendu in l'Alta Rocca, Bavedda, è i lochi di l'Incundini è di u Rinosu 150 à 200 mm di ritinuta. A ritinuta dipoi vennari pà l'insemi di u periudu pudarà dunqua cullà fin'à 200 à 250 mm, o ancu 350 mm in certi lochi. Duranti u dopu meziornu di sabbatu è ind'a nuttata di sabbatu à dumenica, iss'acquati forti s'ani da ghjiniralizà nant'à l'insemi di u dipartimentu. U latu uccidintali fin'è avà micca toccu, l'hè dunqua avà cù ritinuti di 50 à 100 mm, è lucalmenti 150 mm. A forti marighjata di Meziornu-Livanti, farà ghjunghja a piena di i fiumi, particularmenti nant'à a costa urientali. A più grandi prudenza hè dunqua racumandata.
Sur le même sujet
