Le Direct

Vigilance Jaune pour le risque Vent ce dimanche en Corse

Meteò france hà missu a Corsica in vighjulanza giadda duminica à parta si da cinqui ori di sera, parvia d’un risicu di vintulionu.

« Un ventu timpistosu duvaria tuccà a Corsica à Livanti in a notti da duminica à luni. I buffulati aspittati sò quiddi d’una vighjulanza giadda, ma ùn si scanta in tuttu a pussibilità di passà à l’arancinu », dicini i privisiunisti.

In Pumonti, i buffulati pudariani tuccà i 110 o 120 chilomitra à l’ora in muntagna, è i 100 o 110 trà a Sulinzara è Conca.
In Cismonti, u ventu duvaria piddà forza in i punti, in muntagna è in i circondi bastiacci.
I buffulati pudariani tuccà i 130 o 150 chilomitra à l’ora in Capicorsu, i 110 o 120 in muntagna, i 100 o 110 in piaghja à Livanti, è i 100 chilomitra à l’ora in Bastia.

U ventu si pudaria indibulì un pocu, pò ripiddà forza in cor’di nuttata trà duminica è luni, cù buffulati chì pudariani tuccà i 110 chilomitra à l’ora in i circondi bastiacci è i 120 in piaghja à Livanti.