Vie quotidienne : les changements de 2025
Cambiamenti in u carnettu di saluta di i ziteddi, intirdizzioni d’aprudà vasceddi alimintarii in plasticu in i strutturi chì ricevini i ziteddi, nuvità pà l’allucazioni à a ghjurnata di a parsona chì aiuta… Eccu uni pochi di cambiamenti chì ani da affaccà di ghjinnaghju llu 2025.
In u carnetu di saluta di i ziteddi ci sarani oramai cunsigli di privinzioni, masimu pà l’usu di i screni, a sunta pricisa di i vinti asamini d’ublicu chì aiutani à truvà, quand’iddi ci sò, i disturbi di u neurosviluppu, è i cunsigli par avè cura di i zitiddoni.
À liveddu di l’alloghja, hà da essa oramai difesa d’appighjunà quiddi di classa G, quiddi chì t’ani i qualità energetichi i più bassi.
Eppo’ iss’altru cambiamentu : l’indannisazioni di l’allucazioni à a ghjurnata di a parsona chì aiuta si hà da pudè rinuvà, sè a parsona n’aiuta parichji longu à a so vita.
Hà da pudè avè 66 ghjorna d’indannisazioni par ugni parsona aiutata, andendu à u più à 264 ghjorna longu à a vita.
Infini, i strutturi chì ricevini i ziteddi ùn ani più da pudè aprudà vasceddi in plasticu par cocia, scaldà o fà u sirviziu.
L’affari vali pà i scoli, i ciucciaghji è i stabilimenta midicali spicifichi di i cumuni di 2 000 abitanti è più.
Sur le même sujet
