Victoire des nationalistes aux territoriales : l'analyse de Petru Poggioli
(A redazzioni d'Alta Frequenza) - A vittoria, senza mancu una cuntistazioni, di i naziunalisti inde l'alizzioni tarrituriali di ssa dumenica hè stata qualificata da tutti, in tutti i casi inde l'isula, di mumentu Storicu in a storia cunflittuali assai suventi trà a Corsica è u Statu cintrali. A viulenza pulitica, chì duranti guasgi trè dicennii s'hè cuntintata di scuzzulà una Republica chì ùn muvia micca, salutata un tempu par avè alzatu un muru di quilli contr'à l'astracu è u restu, avarà uttenutu infini un gennaru di vittoria pà difettu: a presa di puteri pulitica dopu avè postu l'armi. A vittoria hè in cima à u fucili dicia l'altru, hè dinò è soprattuttu grazia à l'idei, ancu di più quandu quissi quì si contani pà millai inde l'urna di a demucrazia. Petru Poggioli cunnosci strabè tutti ssi quistioni; quillu chì hè statu duranti un tempu longu unu di i rispunsevuli di u FLNC vedi com'è una figliazioni trà a storia ricca è spessu dulurosa di ss'ultimi dicennii è u risultatu d'oghji.
Steti à senta à Petru Poggioli.
