Vittoria di A Squadra Corsa in Olbia
La Squadra à l'échauffement (Photo Facebook Squadra Corsa)
(A ridazzioni d'Alta Frequenza) - A Squadra Corsa hà vintu 4 à 1 à i calci di pinalità contru à a Natzionale Sarda, dopu à una partita patta 1 à 1. Cabeccia hà marcatu in prima pà i Sardi, ma deci minuti dopu, Rémy Cabella marcaia pà a Corsica, rimittindu i dui squadri à parità. Finitu u tempu privistu, i dui squadri si sò cunfruntati cù i calci di pinalità. Ed hè statu Nicolas Penneteau, u guardianu corsu, à fà vincia a so squadra parendu dui stucci.
