Vents violents : ports et aéroports fermés
(A redazzioni d'Alta Frequenza) - Buffulati di ventu da 155 à 160 chilometri à l'ora nant'à a cità di Bastia, 180 à 200 in Capicorsu : a Corsica Suprana cunnosci un episodiu di ventu assai viulenti, o ancu rilivendu di a timpesta. I spinghjifochi sò mubilizati più cà mai è si censa guasgi 50 intarvinzioni dipoi a fini di a matinata. Tetti minaccianti, missi in securità di persiani, arburi cascati : si prova à schisà u peghju è à privena à u massimu. I stabilimenti sculari di Bastia cità ani cappiai i sculari à 4 ori da schisà prublemi pussibuli nant'à a strada. A Bocca di Teghjime hè sarrata da privena qualsiasi ingorgu ind'a circulazioni. U portu hè dinò sarratu è nisuna mossa maritima hè fatta. A maiò parti di i passaghjeri hè stata missa à capu. Da u cantu di l'aereu, inveci, l'aeruporti sò chjosi, è numarosi passaghjeri sò in traccia d'aspittà in Poretta. Una cellula di crisi hè stata missa in piazza da cuurdunà i mezi di succorsu è d'intarvinzioni s'è bisognu si faci senta. In Corsica Suttana, a situazioni pari più calma, par avà. L'aeruporti di Figari è d'Aiacciu sò stati sarrati malgradu tuttu. Tutti i buli sò annulati. Più cà mai ci voli à fà casu. Limità i vostri spiazzamenti à u più necessariu, è schisà i lochi particularmenti sposti.
On écoute Denis Mauvais, Directeur de cabinet du préfet de Haute-Corse
Sur le même sujet
