Vent violent prévu en Corse-du-Sud
(A redazzioni d'Alta Frequenza) - À partasi d'oghji (dumenica) à 6 ori, a Corsica hè tocca da un episodiu di venti viulenti chì duvaria durà fin'è u luni u 3 di dicembri à 3 ori di mani. U ventu di settori punenti à nordu punenti tocca soprattuttu u latu uccidintali di u dipartimentu, cù vitezzi mezani di 80 chilometri par ora è 100 chilometri par ora in buffulati. Iss'episodiu s'accumpagna di un mari assai forti nant'à a costa uccidintali cù marosuli impurtanti drentu à i golfi (trà 4 è 6 metri). I settori più particularmenti sposti sò : i golfi di Portu, Sagone Aiacciu (Sanguinarii, Ricantu, sponda à meziornu), Figari è Bunifaziu. Di pettu à issi cundizioni meteurulogichi, a prifettura di Corsica Suttana racumanda a più grandi prudenza.
Sur le même sujet
