Vent violent : la Corse en vigilance orange dès ce vendredi
Meteò france hà fattu passà a vighjulanza pà u vintulionu, privustu pà vennari è sabbatu, da u liveddu giaddu à u liveddu arancinu, à parta si da vennari à sei ori di mani.
I buffulati pudariani tuccà i 120 à 140 chilomitra à l’ora in Balagna è in altu. In Capicorsu, s’ani da avvicinà à i 150 à 180 chilomitra à l’ora.
In i circondi bastiacci, in ghjurnata, u ventu pudaria buffulà à 90 o 110 chilomitra à l’ora.
In cor’di matinata è in primu dopu meziornu, l’affari si pudaria appacià un pocu. In cor’di dopu meziornu, pudariani ripiddà forza i buffulati.
À liventi, pudariani tuccà i 120 o 140 chilomitra à l’ora. In i circonda di Portivechju, pudariani tuccà i 100 o 120.
In a prima parti lla notti, ci pudaria essa un picculu appacià. In a siconda parti lla nuttata, da vennari à sabbatu, ci pudaria essa una ripresa. I buffulati pudariani tandu piddà forza à Punenti.
