Vent fort : vigilance de niveau jaune en Haute Corse
Meteò france hà missu una vighjulanza giadda da ghjovi, à 11 ori di sera, sinu à vennari à 4 ori, parvia di u vintulionu.
U libecciu hà aghjà toccu i 100 chm à l’ora sta mani in Balagna, è hà francatu i 120 in Capicorsu.
Duvaria buffulà di più in meza ghjurnata, è ghjunghja à u so puntu più altu in a nuttata, trà ghjovi è vennari.
S’aspettani i buffulati da 120 à 140 chm à l’ora in Balagna, è ancu à 180 chm à l’ora in Capicorsu.
In Bastia, è pà issi foci, duvaria curra u ventu à 100 o 110 chm à l’ora.
U ventu di Punenti duvaria curra sinu à vennari matina, pirdindu pianu a so forza, ma issendu quantunca beddu prisenti in Balagna è Capicorsu.
