Vent fort en Haute-Corse : prudence !
(A redazzioni d'Alta Frequenza) - Par via di un ventu forti chì hà da suffià da quì à calchì ora in Corsica Suprana, a prifittura di u dipartimentu hà presu ssu marti un arrestu pà pruibiscia di manera tempuraria a circulazioni pà i camini di i lochi di i muntagni di l'Agriate, Bunifatu è di u Fangu da dumani (marcuri) à partasi di 6 ori di mani fin'è ghjovi à 6 ori di mani. Buffulati di ventu sò aspittati pà stanotti, di 100 chilometri par ora in Capicorsu è trà 60 è 80 chilometri par ora pà parechji altri parti di a Corsica Suprana. Di fattu, u risicu di focu hè più impurtanti, com'è pà i marosuli ; a prudenza a più maiò hè racumandata.
