Vent : des conséquences partout en Corse
U vintulionu chì tocca a Corsica dipoi arimani hà avutu calchì cunsiquenza, ed hè mancatu pocu ch’idd’ùn ci sichi un drama in Bastia : i burrasconi di u ventu chì buffulaia in centru cità s’ani purtatu u tettu d’un palazzu di u viali Graziani. Par furtuna, ùn hè statu fertu nimu, nè in u palazzu nè in carrughju, ma ci hè vulsutu à truvà un alloghju pà uni pochi di parsoni.
Arimani, in fin’di ghjurnata, i cunsiquenzi di u vintulionu si sò visti ancu à nantu à a reti d’elettricità : 3 500 clienti ni sò stati privi in u Grand’Aiacci, u Gran’Bastia, Corti è a Ghisunaccia.
U Fretu ùn a si hè sfrancata da u timpurali : l’agenti di a cumuna di Portivechju sò stati mubilizati ch’erani cascati arburi è pali elettrichi in Arca, versu i « Quatre Chemins », à nantu à a strada di Palumbaghja è versu u Spidali.
