Veau vivant jeté d'un pont dans le Centre Corse : procès renvoyé au 20 juillet, le jeune homme de 20 ans maintenu en détention
Issu ghjovi, passaia in tribunali, in Bastia, u ghjovanu vaccaghju ch’era statu vistu, in una videò, lampendu un viteddu vivu in un vangaronu, in Albertacce.
L’affari hè successu d’aprili llu 2019, ma u filmettu ùn hè affaccatu chè luni pà issi reti suciali.
L’affari hè statu rimissu à u 20 di luddu. Intantu, l’omu si ferma in prighjoni in Borgu, chì u tribunali hè statu à senta i ricumandazioni lla pracura.
Una pracura chì, à veda i riazzioni pà issi reti suciali, hà pinsatu ch’idd’era meddu pà u ghjuvanottu di stà si ni in prighjoni, chì calchì risicu par iddu ci pudaria essa à libarà lu. Si hè pinsatu dinò ch’iddu c’era u risicu chì l’omu ùn si prisintessi, u ghjornu sceltu, davanti à u tribunali.
Issu mantinimentu in prighjoni ùn piaci mancu stampa à Marc-Antoine Luca, l’avucatu llu ghjuvanottu.
Ottu associ di difesa lla causa animalesca si sò custituiti da partita civili pà iss’affari. Par Patrice Grillon, l’avucatu di l’associu Stéphane Lamart, atti cumpagni ùn si ni vidi tantu, masimu fatti da una parsona chì campa à torru à animali, un vaccaghju. Brama, l’avucatu, una cundanna in cunsiquenza u 20 di luddu, una cundanna chì achi forza di dissuasioni.
Stemu lu à senta.
Sur le même sujet
