Vagues-submersion : La Corse-du-Sud en vigilance Orange vendredi
I sirvizia di Meteò france ani publicatu una vighjulanza arancina par vennari u 20 d’uttrovi pà u Pumonti, parvia d’unu risicu di marosuli di summirsioni.
S’aspettani marosuli maiori pà issu bor’di mari pumuntincu, cù un risicu di summirsioni pà i parti bassi o beddi sposti di u litturali. Si dumanda tandu à i prupriitarii di battella staziunati in portu di virificà ni l’armeghju, d’attaccà in u battellu l’ugetti chì pudariani essa sfrumbulati, di caccià tutti l’elementi chì pudariani dà presa à u ventu (com’è i veli), d’alluntanà u battellu da u molu, di pusiziunà bè i para colpa da ch’iddu sichi prutettu u fasciamu, è di duppià l’armeghju.
Ben’intesa, s’arricumanda à ugnunu di fà attinzioni bè.
Sur le même sujet
