Urgence vitale, chaque seconde compte
Da u 24 à u 26 di frivaghju, si hè fatta in Corti è in Cervioni una sissioni di gran’primura pà a furmazioni à i prutucolli infirmieri di curamenti in urgenza, chì hà missu in risaltu l’alta tecnicità di i sirvizia di saluta di i spinghjifoca.
Tocca a fin’di maghju, novi infirmieri spinghjifoca ani da essa capaci à aprudà di manera autonuma prutucolli di salvamentu in urgenza, trà i quali : l’urgenzi vitali, l’arresti di u cori, i sangunicci impurtanti è i scossi anafilattichi, è uni pochi di situazioni spicifichi altri com’è l’accidenti di ciottu, i parti à l’impinsata, è i curamenti pediatrichi.
L’ughjittivu hè beddu chjaru : assicurà una presa in carica d’alta tecnicità tocchi i primi minuti di u intarventu, chì tandu ugni gestu conta pà i vittimi.
Issa sissioni di furmazioni hè un’iniziativa cumuna à i SIS di u Pumonti è di u Cismonti.
A validazioni finali d’iss’asaminu di curamenti in urgenza si hà da fà u sei è u setti di maghju, in immirsioni cumpletta cù i squadri di guardia.
