Le Direct

Urbanisme : quatre associations de défense de l'environnement interpellent les candidats aux territoriales

(A redazzioni d'Alta Frequenza) - « Più chè mai, a terra corsa hè à vende ! » Eccu u custatu fattu oghji da l'associ di difesa di l'ambienti U Levante, Garde, ABCDE è U Polpu, chì urganizavani ssu luni una cunfarenza di stampa in Corti. Dinunziendu "attacchi mai visti contr'à a legi liturali è u PADDUC" è una leia chì "ùn c'hè più bisognu à fà trà a speculazioni immubilari è a maffia" d'appressu à elli, quissi quì ani dicisu di mandà un quistiunariu à i candidati à l'alizzioni tarrituriali. U scopu : chì ss'ultimi chjarifichessini i so pusizioni nant'à u sughjettu. Ci sò trè intarrugazioni maiò : seti pà mantena senza cambialla a legi liturali ? Seti pà a nicissità di tena inde u PADDUC 105 000 ettari di tarri agriculi ? Seti d'accunsentu nant'à u fattu ch'ella sighi ingaghjata a rispunsabilità penali di un elettu o di u prifettu s'è un ducumentu d'urbanisimu hè statu validatu d'una manera vulintaria è apposta in viulazioni di a legi o di una sintenza difinitiva ?

Steti à senta à Pierre Laurent Santelli pà i quattru associ.