Unité de traitement et de valorisation des déchets ménagers sur la CAPA : Zeru Frazu inquiet
(A redazzioni d'Alta Frequenza) - Ssu marti, u cunsighju cumunitariu di a CAPA sarà chjamatu à vutà pà l'ingaghjamentu di i crediti nicissarii pà u lanciamentu di i studii nant'à a criazioni di un'unità di trattamentu è di valurisazioni di i rumenzuli da a cumunità d'agglumerazioni. U cullittivu Zeru Frazu hà mandatu una lettara aparta à u presidenti di a stituzioni, fendu valè i so inchietudini nant'à dui punti : l'impurtanza di i spesi publichi pà a custruzzioni di ssu gennaru d'usina, eppo nant'à u fattu chì u prughjettu ingaghja pà una vintina d'anni, à u minimu, a pulitica di trattamentu di i rumenzuli di a CAPA è d'altri cullittività di u meziornu di a Corsica. Zeru Frazu dumanda di fatti un dibattitu custruttivu purtatu da sperti di tutti ssi quistioni, da fà chì ogni elettu pudissi pighjà cunniscenza pà daveru di i cunsiquenzi, pusitivi o pessimi, di un prughjettu simuli, nanzi à qualsiasi deliberazioni.
Steti à senta à Colette Castagnoli pà Zeru Frazu.
Sur le même sujet
