Une ZAE au cœur de la de la Pieve de l'Ornano et du Taravu
A cumunità di i cumuni di i pievi di l’Ornanu è di u Taravu hà inauguratu a sittimana passata ciò chì da quì à pocu duvintarà una ZAE, vali à dì una zona d’attività ecunomichi.
Posta à nantu à l’alti di a Pitrusedda, hà da veda prestu fiurì cumerci, attività artisgianali è sirvizia.
Issu tarrenu di l’intercumunalità hè statu spartutu in lotta chì sarani vinduti à prufiziunali di i circondi, da ch’iddi ci poschini fà a so attività è cuntribuì à u dinamismu ecunomicu di u sittori.
Pà a prisidenti lla cumunità di i cumuni, ci voli à parà si da u risicu spiculativu, chì ùn viaghja mancu stampa cù l’idea prima di u prughjettu.
Steti à senta à Valérie Bozzi.
Iniziatu chì sò parichji anni da a cumuna di a Pitrusedda, issu prughjettu si faci luci à liveddu intercumunali. Ma par Jean-Baptiste Luccioni, u merri, ferma u stessu à liveddu llu spiritu : quiddu di metta in anda un mudellu ecunomicu adattu, luntanu da u troppu sviluppu è di i gran’centri cumirciali.
Steti à senta à Jean-Baptiste Luccioni.
A cartula di l’ublichi d’issa ZAE imponi parichji affari. Hè cusì chì i bastimenta cumirciali sò tinuti à una certa armunia, è in i ducumenti nutariati ci sarà una dispusizioni antispiculativa.
Steti à senta i pricisioni di Marie Gavaldon, a capisirviziu di l’acqua è l’assanamentu in carica di a missioni ZAE.
