Une vedette en feu au large de Santa Ghjulia
(A redazzioni d'Alta Frequenza) - Intarvinzioni di succorsu in mari ssu vennari in Santa Ghjulia Purtivechju. Versu meziornu, i sirvizi di succorsu ani ricivutu una chjama pà un picculu battellu in traccia di brusgià. Deci parsoni chì erani nantu sò stati cacciati da i mezi prisenti sopralocu. Quattru ùn sò micca stati feriti, mentri chì sei altri sò stati tocchi d'una manera lighjera. Quandu l'alerta hè stata data da u CROSSMED è u SDIS 2A, mezi assai numarosi sò stati mandati sopralocu : spinghjifochi, SNSM, brigada nautica custiera, patruglia terrestra di gendarmeria. L'urighjini di u focu hè scunnisciuta par avà. (Ritrattu : Prifittura Marittima di u Mediterraniu)
Sur le même sujet
