Une vedette en diffuculté dans les grottes de Bonifacio
(A redazzioni d'Alta Frequenza) - I squadri di u CROSSMED, di a SNSM è di a gendarmeria ani fattu ssu dopu meziornu (sabbatu) un'uparazioni maiò ind'i grotti di Bunifaziu. Un battellu di trasporti di passaghjeri chì facia visità i grotti s'hè affundatu. Nantu, 48 parsoni è 2 membri di a squadra di u battellu. L'uparazioni sò stati rializati assai in furia pà aiutà i passaghjeri. I visitori sò stati presi in carica è trasferiti nant'à u portu di Bunifaziu. Una ricunniscenza hè stata fatta dinò, è ùn ci saria nisun risicu di pulluzioni. Pà ciò chì tocca u battellu, hè sempri bluccatu ind'a grotta. I causi di ssu naufraghju ùn sò micca cunnisciuti. U merri di Bunifaziu, chì avemi chjamatu, hà pricisatu ch'ellu avia da dumandà à i servizii di u Statu a missa in ballu pà a privenzioni di un dispusitivu contr'à a pulluzioni ind'i grotti. Jean Charles Orsucci hè inchietu da u fattu chì u battellu avissi pichjatu contr'à i scogli. Voli veda dinò una riflessioni più glubali sighi rializata pà fà fronti di pettu à ssu gennaru di prublema.
Sur le même sujet
