Une Société Publique Locale, pourquoi faire ?
(A redazzioni d'Alta Frequenza) - Dopu a CAPA calchì ghjornu fà, u cunsighju municipali d'Aiacciu duvia amintà u sughjettu di a criazioni di a Sucità Publica Lucali "Ametarra". U cunsighju municipali hà sceltu i mandatarii chì raprisintarani a Cità in ssa sucità è chì farani parti di u cunsighju d'amministrazioni; senza surpresa vera, Laurent Marcangeli sarà u presidenti di a SPL. Ssa sucità publica sarà un veru attori di sviluppu. Bramata cù forza dinò da l'uppusizioni, parmittarà, senza u carattaru pisivu di l'amministrazioni, di lancià prughjetti strutturanti pà a cumunità. À chì ghjova ? Comu hà da viaghjà ?
Steti à senta à Jean Jacques Ferrara, u presidenti di a CAPA chì, calchì ghjornu fà, hà datu u so accunsentu largu pà ssa criazioni.
