Une première peu suivie pour Nuit Debout à Bastia
(A redazzioni d'Alta Frequenza) - Pà a prima volta dipoi u principiu di ssu muvimentu, una « Nuit Debout » era urganizata dumenica in Bastia in u quadru di l’uparazioni ditta « Global Nuit Debout ». È senza surpresa maiò, ss’uparazioni, chì s’hè compia versu mezanotti, ùn hà micca accoltu un mondu scemu, postu chì duranti i mumenti forti, menu di centu parsoni erani prisenti, mentri chì i dibattiti avarani adunitu solu una cinquantina di parsoni. Malgradu tuttu, pà quilli prisenti nant’à a Piazza San Niculà, l’essenziali ùn era micca u mondu, ma bè u fattu di dibatta di a legi travaghju o di a pulitica oghji, dibattiti piuttostu naziunali cà lucali chì ani da cuntinuà dumenica chì veni à 5 ori di sera sempri à listessu locu.
Steti à senta à Hélène Sanchez, una di l’iniziatrici di ssa « Nuit Debout ».
