Une jeune trafiquante de stupéfiants interpellée à Sotta
« Una inchiesta di pulizza ghjudiziaria iniziata è diretta da a brigata lli ricirchi d’Aiacciu hà primissu d’intarpillà, u 25 di sittembri in Sota, una ghjovana trafficanti di droga chì rivindia cucaina è pecia di canapu in u tarritoriu stesu trà Portivechju, Prupià è Aiacciu », hà spiicatu via un cumunicatu u prucuratori d’Aiacciu.
« Aiutata in u so trafficu da anziani cumpagni, hè stata missa in guardia à vista, ed hà spiicatu tandu ch’idda n’era ghjunta à u narcotrafficu via una rilazioni di coppiu tossica, chì l’avia purtata à custudiscia robba. Issendu duvintata dopu cunsumatrici, si hè fatta lugistiziana di u trafficu, incarichendu si di gistì i cumandi via i reti suciali pà i so clienti, è circhendu punti di rimissa è di ritrovu, fendu ancu a cuurdinazioni di u ghjiru di i portarobba.
Sullicitata, a li facia à venda un chilò di pecia in deci ghjorna è centu grammi di cucaina in una sittimana », pricisa Nicolas Septe.
I so trè anziani cumpagni sò stati intarpillati ancu iddi, è missi in guardia à vista u 25 di sittembri.
« Sò stati trovi fendu pirquisizioni droghi è matiriala di cundiziunamentu. A inchiesta purtata da i ciandarmi hà pirmissu d’idintificà i punti di pruvista pà issi prudutti, masimu in Prupià », dici a pracura.
Finita a guardia à vista, a ghjovana trafficanti di 28 anni è dui di i so anziani cumpagni sò stati incarciarati intantu d’essa ghjudicati, u primu d’uttrovi à un’ora è mezu.
Sur le même sujet
