Une femme décède en chutant des falaises de Bonifacio
(A redazzioni d'Alta Frequenza) - Hè accadutu un drama arisera (vennari) versu ottu ori è mezu in Campu Rumanellu, in Bunifaziu. Una turista belga, di una trentina d'anni, hè morta dopu essa cascata da a rocca. Sicondu i servizii di a prifittura di Corsica, a ghjovana donna, assai vicina di u bordu, chì aspittava chì u so cumpagnu pighjessi un ritrattu d'ella, saria stata disturbata da una piccula bestia prima di perda l'equilibriu è di cascà di guasgi 70 metri. I pumpieri, i gendarmi, a SNSM è l'elicotteru di a Securità Civili sò stati mandati in furia sopralocu pà pruvà à ritruvà a vittima. Hè a camerà termica di l'elicotteru chì hà lucalizatu u cadavaru di a donna, presu dopu da u battellu di a SNSM. U cumpagnu di a vittima, assai cummossu, hà avutu una mancanza, ed hè statu purtatu à a clinicia di U Spidali. Un'inchiesta hè aparta ; l'accidenti hè privileghjatu.
Sur le même sujet
