Une direction stable, fiable et ambitieuse pour l'hôpital de Bonifacio !
(A redazzioni d'Alta Frequenza) - A CGT Saluta di l'uspidali di Bunifaziu hà lampatu una chjama pocu fà à u direttori di l'Agenza Righjunali di a Saluta di Corsica, Jean Jacques Coiplet, pà ciò chì tocca a numinazioni futura di un direttori à tempu pienu pà a struttura. In fatti, l'uspidali, chì hà cunnisciutu 12 direzzioni in 20 anni guasgi, voli avè infini una direzzioni stabuli, sicura è ambiziosa pà rinfurzà l'accessu è u sviluppu di l'ufferta di curi pà tuttu u mondu. Di fattu, a CGT Saluta brama di veda u direttori pruvisoriu, chì hà postu a so candidatura à ssu postu com'è dui altri parsoni, cuntinuà a so missioni à longu andà drentu à ssu stabilimentu in traccia d'essa certificatu. È mentri chì a numinazioni intarvinarà da quì à pocu ind'u centru naziunali di gistioni in Parighji, pari chì u direttori di l'ARS appia i listessi desiderii cà u sindicatu in a materia.
Ecoutez Jean-Jacques Coiplet.
Sur le même sujet
