Une délégation de députés se rendra dans les centres Poissy et Arles pour défendre le dossier des prisonnier politiques corses
Una diligazioni d’una quindicina di diputati hà da andà ghjovi à a prighjoni cintrali di Poissy, ind’iddi sò incarciarati Pierre Alessandri è Alain Ferrandi, po’ à quidda d’Arles, ind’iddu hè incarciaratu Yvan Colonna.
Circarani, una volta di più, à difenda u cartulari lli prighjuneri pulitichi corsi, ch’ùn sò ancu à l’ora di l’avvicinera.
Issu dispiazzamentu, sò i trè diputati naziunalisti corsi à fà ni a cuurdinazioni. Sò sustinuti da quiddi chì ani signatu una tribuna publicata in u ghjurnali « Le Monde », chjamata « Corse, pour une application du droit à tous les prisonniers ».
Jean-Jacques Ferrara, u diputatu LR lla prima circuscrizzioni di u Pumonti, hè à veru mubilizatu, è spera ch’iddi pudarani andà, l’eletti, à u riscontru lli prighjuneri.
Ma, in ugni manera, ci voli à mantena « a prissioni », ch’idda sichi rispittata a legi.
Steti à senta à Jean-Jacques Ferrara.