Un trafic de drogue démantelé en Balagne
A sittimana passata, dopu à diciottu mesi d’inchiesta, trè parsoni sò stati intarpillati in Balagna da i militari lla brigata di i ricirchi di Calvi.
I ciandarmi ani coltu in issu mentri 200 grammi di pecia di canapu, 50 grammi di cucaina, ecstasy, è 5 000€ in liquidu.
Sò stati colti ancu una vittura, una motò è altri tilifunini.
Issa inchiesta longa, fatta in i circondi di Calvi trà uttrovi llu 2022 è frivaghju llu 2024, hè sbuccata à nantu à a intarpillazioni di trè parsoni, una di quissi issendu minori.
« Fatti i invisticazioni è i guardii à vista di i più attivi d’issi parsoni, i dui principali rispunsevuli sò stati difiriti in pracura.
U primu, issendu una parsona minori, hà da passà da quì à pocu davanti à un ghjudici pà i ziteddi.
U sicondu hà ricunnisciutu ciò chì l’era rimpruvaratu è hè statu cundannatu à trè anni di prighjunia, dui d’iss’anni issendu privisti in suspinsioni cundiziunali. Hè statu incarciaratu subitu », spieca a ciandarmaria.