Un tournoi de tennis professionnel du circuit ATP en Corse
(A redazzioni d'Alta Frequenza) - Una ghjostra cuntendu pà u circuitu di l'International Tennis Federation (ITF) si tinarà in Corsica, in Aiacciu, da u 14 à u 22 aprili chì veni. Si tratta in fatti di i primi internaziunali di Corsica di Tennis, cuntendu pà a classifica ATP, una vera ghjostra prufessiunali chì upponarà ghjucadori ghjunti da u mondu sanu. Sarani 56 ghjucadori, classificati trà u 150u è u 500u postu mundiali, à participà à iss'avenimentu. Accunciamenti sò stati nicissarii da appruntà l'aghji di ghjocu, è frà altru un tarrenu "cintrali" di una capacità di più di 1000 piazzi. Issi primi internaziunali di Corsica sò dunqua un avenimentu spurtivu di prima trinca, sustinuti da i cullettività isulani, in parternariatu cù Via Stella è Alta Frequenza. Ni pudaremi riparlà bella sicura, nant'à i nostri ondi.
Sur le même sujet
