Un touriste allemand de 17 ans meurt électrocuté en Haute-Corse
(A redazzioni d'Alta Frequenza) - Hè accadutu un drama sabbatu à sera in Corsica Suprana, nant'à a cumuna di A Ghisunaccia. Un ghjovanu turistu alimanu, di 17 anni, hè mortu elettrocutatu versu 11 ori, vicinu à un camping à calchì passu di a piaghja di Vignale. Sicondu i primi elementi racolti, quissu quì vulendu tena si à capu inghjò, s'hè arrimbatu à un lampadariu. Un arcu elettricu si saria pruduttu tandu, tucchendu u ghjovanu turistu chì ghjucava cù amichi di a so età. Un'inchiesta hè stata aparta da u ministeru publicu di Bastia è cunfidata à a Brigada di Ricerchi di A Ghisunaccia da ditarminà i causi esatti di a morti, ma dinò pà sapè à quali apparteni u lampadariu in causa. I parenti di a vittima sò ghjunti in Corsica issa dumenica. U ghjovanu sarà ripatriatu in Alimagna da quì à pocu, dopu à autopsia.
