Qualitair Corsica hà fattu sapè ch’idda ci sarà dinò una bedda pulluzioni pà a duminicata
Le ciel ajaccien le week-end dernier (photo : Frédéric Bertocchini)
Marcuri dopu meziornu, Qualitair Corsica hà fattu sapè ch’idda ci sarà dinò una bedda pulluzioni pà a duminicata lli 15 è 16 di ghjunghju.
A situazioni paria middurà si iss’ultimi ori, ma ci duvariani dinò essa rusgiuli minuti in quantità in l’aria, tocca issa duminicata, parvia di a pula llu Saharà chì avvinghji u Tarraniu.
Dopu à una calata ghjovi, vultarani vennari da u Meziornu à Punenti issi rusgiuli, è sarani prisenti una bedda parti lla duminicata, dici Qualitair Corsica. Ramintemu chì puri issendu naturali, issa pulluzioni hè à veru un dannu pà i parsoni sinsibuli.
Issa passata di pulluzioni hè trimenda, micca parvia di a quantità, ma parvia di u tempu ch’idda dura, spieca Qualitair Corsica.
Sur le même sujet
