Un nouveau Président pour le TGI de Bastia
(A redazzioni d'Alta Frequenza) - Dopu à a partenza di Françoise Bardoux ver di tribunali di grandi istanza di Mulhouse, u TGI di Bastia accughjava oghji (vennari) u so presidenti novu. Francis Bihin, 55 anni, urighjinariu di Sedan. Quissu quì era fin'è iss'istati u presidenti di u tribunali di grandi istanza di Soissons, in Picardia. Un veru cambiamentu pà u novu presidenti di u TGI di Bastia, à u nivellu di i paisaghji ma dinò pà i cartulari chì ci vularà à trattà. Duranti u so discorsu, hà pricisatu chì a so azzioni suvitaria a filusufia di a parsona chì era prima à u so postu, incalchendu dinò nant'à l'impurtanza di un raportu di cunfidenza cù l'avucati. Unu di i scopi hè di riducia u tempu di trattamentu di i cartulari di dirittu civili, oramai di quatordici mesi in mezana. Francis Bihin hà parlatu pocu davanti à a stampa pà ciò chì tocca à a pulitica penali futura specifica è u cuntestu à a so ghjunta.
On écoute le nouveau président du TGI de Bastia.
Sur le même sujet
