Un nouveau joueur corse en équipe de France de football
(A redazzioni d'Alta Frequenza) - S'è trè clubs corsi di ballò s'arrembani à una storia impurtanti è di lighjenda, cù tituli è epupei sfarenti, i ghjucadori corsi chì sò stati selezziunati in squadra di Francia, inveci, ùn sò micca numarosi. Claude Papi par asempiu, hà purtatu solu trè volti i culori francesi. U ghjucadori di l'AC Aiacciu hè statu selezziunatu dui volti. Philippe Anziani hè statu internaziunali cinqui volti (1 rialisazioni) duranti l'annati 80. À mezi à quissi, Dominique Colonna hè quillu chì t'hà u più sparienza cù 13 partiti sottu à i culori di a Francia. Un ghjucadori corsu novu hà da cunnoscia a listessa sorti, hè Rémi Cabella. Quillu chì hà purtatu, più ghjovanu, a maglietta di l'ACA, di u GFCOA è d'Afà, è chì ghjoca oramai in Montpellier, hà unuratu arisera (marti) a so prima selezzioni cù a squadra di Francia A. À vintiquattru anni, faci parti di i riservisti di a squadra di Francia pà a cuppa di u mondu à u Brasiliu, chì principia da quì à calchì ghjornu. Una prima selezzioni è un successu, postu chì a Francia hà battutu a Nurvegia, 4 à 0. Prighemi à u ghjovanu aiaccinu di cunnoscia tanti altri selezzioni.
