Un navire effectuant la liaison Santa Teresa di Gallura-Bonifacio s'échoue
(A redazzioni d'Alta Frequenza) - Un battellu di a Moby Line, chì vinia di parta da u portu di Santa Teresa di Gallura par andà fin'è Bunifaziu, hè statu vittima di un'avaria ssu luni. U Giraglia hà pichjatu contr'à scogli à u principiu di u so parcorsu. Sicondu u media l'Unione Sarda, u capitanu avaria persu u cuntrollu di u so battellu, dopu à un prublema nant'à u mutori, prima ch'ellu sviessi versu i costi. I 69 passaghjeri è membri di a squadra nant'à u Giraglia ùn sò micca stati feriti. U battellu hè statu rimurcatu fin'è u portu d'Olbia pà facci tutti i cuntrolli nicissarii. Un antru battellu di a cumpagnia Moby Line, u Bastia, duvaria essa mubilizatu in ssu mentri par assicurà i viaghji trà Santa Teresa di Gallura è Bunifaziu. (ritrattu : la Nuova Sardegna).
Sur le même sujet
