Un mort et plusieurs blessés dans un accident de la route en Corse-du-Sud
(A redazzioni d'Alta Frequenza) - C'hè statu un drama nant'à a strada ssu ghjovi in principiu di sirata. I sirvizi di succorsu ani ricivutu una chjama appena dopu à 6 ori è mezu par un inticciu di fronti trà trè motò. L'accidenti hè accadutu appena dopu à u Liò di Roccapina, nant'à a cumuna di Munacia d'Auddè. Quand'elli sò ghjunti sopralocu, i succorsi ùn pudiani cà custatà a morti d'un omu. Trè altri parsoni sò stati feriti gravi. Una hè stata purtata in elicotteru à l'uspidali d'Aiacciu, dui altri à a clinica di U Spidali in Purtivechju. Ss'accidenti dramaticu hà fattu dinò dui altri feriti più lighjeri. I succorsi di u Rizzanesi, di Pianottuli, di Bunifaziu è di Purtivechju sò intarvinuti, ma dinò i gendarmi.
