Le Direct

Un jeune homme blesse sa mère à l'arme blanche à Bonifacio

(A redazzioni d'Alta Frequenza) - Un ghjuvanottu d'urighjini bresiliana hà feritu a so mamma à a gola cù un'arma bianca in a nuttata trà vennari è sabbatu in Bunifaziu (Corsica Suttana), hà cunfirmatu u prucuratori di a Republica d'Aiacciu, Eric Bouillard. Erani nant'à un battellu in u portu cù parechji altri parsoni. I circustanzi di ssi fatti devini essa difiniti da un'inchiesta chì hè appena aparta. A vittima, di una cinquantina d'anni, hè stata presa in carica da i succorsi, prima d'essa purtata à a clinica di U Spidali è d'essa trasferita à l'uspidali d'Aiacciu. U so statu hè stabilizatu oramai. U ghjuvanottu di una vintina d'anni hè oramai intesu da i gendarmi di Bunifaziu, in leia cù quili di Purtivechju, in carica di l'investigazioni.