Un indirizzu nustrali pà Alta Frequenza
(A redazzioni d'Alta Frequenza) - U situ internet di A Radiu di A Corsica - Alta Frequenza hà aduttatu u nomu di duminiu ".Corsica" missu in ballu da a Cullittività Tarrituriali di Corsica à u mesi d'uttrovi scorsu. Aduttata dipoi ghjunghju di u 2014 da l'Assemblea di Corsica, a dimarchja par uttena è sfruttà un duminiu internet di prima nivellu hè sbuccata u 25 di sittembri di u 2014 nant'à a signatura di un cuntrattu trà l'urganisazioni mundiali in carica di a guvernenza di l'internet (ICANN) è a CTC, autorizata oramai à sfruttà u spaziu di nomu ".corsica". Pudeti dunqua ritruvà oramai tutti i nutizi isulani, i podcasts, Alta TV è i nostri sfarenti webradii nant'à u www.alta-frequenza.corsica !
Sur le même sujet
