Un homme de 60 ans violenté chez lui à Porto-Vecchio après avoir surpris des jeunes qui s'étaient invités pour boire de l'alcool
A ciandarmaria dici in un cumunicatu ch’in a sirata llu 21 di nuvembri, un omu di 60 anni hà scruchjatu cinqui ghjovani chì s’imbriacaiani in una camara lla so casa, in Portivechju.
Circhendu à ritena li ch’idd’ùn scappini, l’omu hè statu minatu. Fatta fini, a l’hà fatta à privena i ciandarmi, innanzi d’essa purtatu in clinica, fertu ch’idd’era da i colpi ricivuti.
I militari llu Plutonu di Surviglianza è d’Intarventu pensani tandu à cinqui ghjovani, chì dui di quissi erani minori, è ch’idd’aviani cuntrullatu è virbalizatu, par ùn avè rispittatu i misuri sanitarii in Portivechju.
Subitu idintificati, sò stati missi, i ghjovani, in guardia à vista. Fatta a inchiesta, l’hè statu impostu un cuntrollu ghjudiziariu. A quiddi chì n’ani fattu u menu, li si hè ramintatu a legi. Quidd’altri, chì sò stati viulenti, sò passati davanti à u prucuratori, è sò stati cunvucati in tribunali.
Sur le même sujet
