Un homme chute d'un ferry et disparaît dans les Bouches de Bonifacio
(A redazzioni d'Alta Frequenza) - Un omu di 46 anni, di naziunalità purtughesa, hè sparitu dipoi stanotti (di vennari à sabbatu). Iss'ultimu saria cascatu da un battellu di crucera, u MCS Divina, chì partia d'Italia pà andà in Spagna, ind'i Bocchi di Bunifaziu. Hè a so moghja chì hà datu l'alerta à u cumandanti di u battellu chì versu 1 ora di mani hà chjamatu u sottu CROSS Corsica. Da tandu, ricerchi impurtanti sò rializati pà ritruvà iss'omu : battelli di a SNSM di Bunifaziu ma dinò battelli taliani di a Guardia Costiera vogani, mentri chì in aria u Super Puma di a basa di A Sulinzara, l'elicotteru di a Securità Civili d'Aiacciu è un avviò spicializatu, u Falcone di a marina naziunali bulani nant'à a zona.
