Un homme blessé par balle en Corse-du-Sud
(A redazzioni d'Alta Frequenza) - Un omu hè statu feritu di modu gravi da una balla stanotti (vennari à sabbatu) in Corsica Suttana, nant'à a cumuna di Lecci. Sicondu i primi elementi racolti, l'omu, chì avaria avutu o chì avaria datu un appuntamentu vicinu à a merria, saria statu toccu da una balla in collu tirata da un individu. Micca elementi in più par avà ; a vittima hè stata presa in carica da i succorsi prima d'essa purtata à l'uspidali. Quandu a so saluta a pamittarà, sarà intesa da l'inchiestadori pà cunnoscia i circustanzi di ssi fatti quì. Da nutà chì un omu di una quarantina d'anni si saria prisintatu stamani à a gendarmeria di Purtivechju, dinunziendu si com'è a parsona chì hà tiratu u colpu.
Sur le même sujet
