Un homme blessé par arme à feu à Porto-Vecchio
(A redazzioni d'Alta Frequenza) - Un omu hè statu feritu da tiri di un'arma di caccia stanotti in Purtivechju. I fatti sò accaduti versu ondeci ori è quartu, nant'à a strada di Bastia daretu à una stazioni serviziu. Ferita à u nivellu di u pettu è versu u corpu, a vittima, di naziunalità maruccana, ci l'hà fatta à rifughjassi in un carrughju vicinu è à chjamà i succorsi. Dopu essa stata presa in carica da i spignifochi è i medichi, hè stata purtata à l'uspidali d'Aiacciu. Ancu di grazia, a so vita ùn hè micca in periculu. Sopralocu, i tennichi di l'identificazioni criminali ani fattu i primi custatazioni è rilevatu i primi indizi. Nisun ipotesi hè missa in avanti par avà pà ciò chì tocca a raghjoni di ssa prova d'assassiniu. L'inchiesta hè stata cunfidata à a brigada di ricerca di a gendarmeria.
