Un homme abattu en Haute-Corse
(A redazzioni d'Alta Frequenza) - Un omu di 35 anni hè statu tombu ssu ghjovi appena nanzi à mezanotti in Corsica Suprana. À 11 ori è 10 esattamenti, i pumpieri sò stati chjamati pà una vittura in un fossu, cù una parsona nentru, nant’à a cumuna di Santa Maria Poghju, à a surtita meziornu di Moriani. Sopralocu in furia, i salvadori ani trovu una vittima incuscenti è tocca da tiri d’arma à focu. Presu in carica subbitu, l’omu hè mortu mentri u so trasferimentu à l’uspidali. I servizi inchiestadori sò intarvinuti ghjustu dopu pà rializà i primi investigazioni. Sicondu certi fonti, a vittima era cunnisciuta da i servizi di pulizza pà fatti liati à u banditisimu.
